Panairi i Librit “Kamza Lexon”.

Kjo qe pjesëmarrja e parë për shtëpinë botuese “Pupëz” në një panair dhe ajo që do të na mbetet në mendje është përkujdesja e mikpritja e të gjithë stafit bashkiak dhe e punonjësve të kulturës, si dhe organizimi në detajet më të vogla i veprimtarive e i takimeve letrare, falë punës me pasion e forcë lëvizëse të Liridon Mulaj.

Kultura duhet të bëhet mendësi, mënyrë jetese, e ky ishte një fillim i vogël i mbarë.

Thuhet se libri e gjen vetë rrugën e tij dhe libri më i ri në qytet “Ana nga Tirana” e filloi mbarë rrugëtimin e vet…

Në ditën e fundit të Panairit të Librit “Kamza Lexon”, u ndanë çmimet e panairit. Libri “Ana nga Tirana” mori çmimin e librit për fëmijë me motivin: “Rrëfim përmes lojës, imazhit dhe mbamendjes, si zgjedhje që ofron komponentë multiartistikë, multidisiplinorë, në krijimtari dhe vetëzhvillimin e fëmijëve.”