PUPËZ është shtëpi botimi për libra ndërveprues edukativo-letrarë për fëmijë, libra mbështetës shkollorë. Përmes botimeve, aktivitete për nxitjen e leximit dhe shkrimit krijues synojmë të jemi një hapësirë edukimi, krijimi e argëtimi për të vegjlit dhe një ent besimi për prindërit e mësuesit.

Shtëpia e botimit PUPËZ është e hapur të bashkëpunojë me këdo që pëlqen librin e leximin: prindërit që japin ndihmesë të çmuar me sugjerimet, gjykimet a vërejtjet e tyre;  mësuesit që punojnë me librat didaktikë, ilustruesit që duan të krijojnë përvojë e të eksperimentojnë në këtë fushë, si dhe për autorë të tjerë shqiptarë që ndajnë të njëjtin pasion e cilësi për librin për fëmijë.  

Synojmë të krijojmë botime bashkëkohore për zhvillimin intelektual dhe personal të të gjithëve fëmijëve, me vëmendje të veçantë ndaj lexuesit fillestar, i cili është “fara” e lexuesit të kultivuar.

Me qasjen kryesore ndaj gjuhës shqipe, synojmë të frymëzojmë nxënësit ta përdorin drejt atë dhe ta përsosin duke përdorur të gjitha “arsenalet” që na ofron, për t’u shprehur në mënyrë sa më të saktë e të bukur dhe me fjalor të pasur.